Aklanon News: Gobyerno naga pangibabaw kontra sa COVID 19

KALIBO, Aklan, Abril 19 (PIA) - - - Sa kabaeaka nga ro gobyerno hay maubusan eon it interbensyon sa presenting health crisis, si Pangueong Rodrigo Duterte hay nag hambae nga ha-um imaw nga gamiton ro police power it gobyerno para sa coronavirus pandemic.

"Kung mag hambae nga kita hay ona eon sa kritikal nga kondisyon ag indi eon haeos makahueag ro atong mga doctor ag nurses, dikaron eon kita magamit it police power ku estado. Kung owa eon gid kita it respwesta bangud sa mikrobyo ngara, puede ko orderan ro police ag military para papunduhon ro operasyon it mga hotel, hambae ku Presidente sa telebisyon.

"Ngani mga kasimanwa ko, ayaw kamo mahadlok, may gina-obra pa gid man kita, bukon pa gid man kita gina-kueang it solusyon. Sayod naton ro

paga-obrahon," dugang nana.

Sa gihapon, ro Punong Ehekutibo nag hambae nga, ana eamang nga gamiton ro poder para kontrolon ro mga pribadong pasilidad kung magdeklara eon ro mga opisyales nga ro health care system it nasyon hay sa maximum capacity eon. Ag ruyon hay rong pinaka ulihi nga opsyon sa sangka demokrtikong estado.

Dugang pa ni Duterte nga ro anang administrasyon hay naga obra gid kutob sa medical ag socio-economic nga impact ku pandemya.

Euwas sa hueag it gobyerno, nag hambae ro Pangueo nga ro atong pag-asa nga maka-eampuwas kita sa COVID 19 ngara hay pina-agi sa maeaparan nga pag bakuna, ugaling, kita hay naga-compete pa sa mga nasyon sa pag aeagawan ku suplay it bakuna kng siin may global shortage pa.

Ro Pilipinas hay nagapadayon sa negosasyon sa mga manug-obra it bakuna kamana ku, Sinovac Biotech Ltd., Sinopharm, Pfizer Inc., Moderna, AstraZeneca, Johnson & Johnson, Novavax ag Gamaleya Research Institute para maka bakae it naga kaigo nga bakuna para sa 70 porsyento ku adult population sa nasyon.

Naka bakuna eon eon ro gobyerno sa mga healthcare workers, senior citizen ag mga tawo nga may mga gina batyag gamit ro inisyal nga bakuna halin sa China ag World Health Organization-led COVAX nga pasilidad.

Ro masunod nga mga paga bakunahan hay rong mga economic frontliners, ro mga state security forces ag mga iba pang vulnerable nga grupo.

Ro Department of Health hay naka-rekord eon it 11,429 nga bag ong inpeksyon ku Abril 15, kung siin nag daea sa atong total nga COVID 19 nga kaso sa 904,295 kung siin may nag mayad eon nga 705,164 ag may patay nga 15,594. (JBG/JERR/PIA Aklan)